Gipasidunggan ang mga top-performing cities, municipalities, pribadong institusyon, indibidwal, ug government line agencies nga niduso sa programang panglawas atol sa Provincial Health Summit 2024 nga gipahigayon sa DavNor Gym niadtong Nobyembre 13, 2024. Gihatagan sila og plaques of recognition ug salapi isip insintibo sa ilang dakong kontribusyon sa pagpalambo sa sektor sa panglawas sa probinsya.

Ang mga top-performing cities ug municipalities mao ang mga mosunod:

Cities:

1st– LGU Island Garden City of Samal (₱70,000)

2nd– LGU Panabo City (₱60,000)

3rd– LGU Tagum City (₱50,000)

Municipalities:

1st– LGU New Corella (₱70,000)

2nd– LGU Sto. Tomas (₱60,000)

3rd– LGU B. E. Dujali (₱50,000)

Gidawat usab sa pipila ka mga barangay ug lungsod ang ceremonial cheques kantidad ₱45,000, ₱30,000, ug ₱15,000 isip consolation prizes alang sa ilang implementasyon sa mga programang panglawas.

Lakip nga gipasidunggan ang Luntiang Paraiso Regional Rehabilitation Center, Rotary Club of the Philippines North Davao Chapter, Department of Education Davao del Norte Division, Davao Regional Medical Center Internal Medicine Department, DDN Hospital - Kapalong, Carmen, ug IGACOS Zone, ug mga RHUs ug BHWs. Samtang, Salamat Po Award ang gidalit ngadto sa mga indibidwal nga nahimong resource person sa Family Planning Program ug household profiling.

Butyag sa PHO nga ang insintibo nga gihatag sa mga napasidunggang LGUs ug mga barangay gamiton sa mga kalihokan sa ilang health centers. Samtang, ang pondo nga gigamit sa mga pahalipay naggikan sa Health Governance Program sa probinsya ubos sa administrasyon ni Governor Edwin I. Jubahib.

Sila Provincial Health Officer Dr. Alfredo Lacerona, ug DOH Regional Assistant Director Dr. David Mendoza, representante ni DOH Regional Director Annabelle Yumang, maoy nanguna sa pagtunol sa mga pasidungog.

Writer: Lorna Tripoli