Nasungkit sa Probinsyal nga Panggamhanan sa Davao del Norte pinaagi kang Governor Edwin “Kuya Gov” Jubahib, ang mokabat P58,582,500.00 nga pondo gikan sa Department of Social Welfare and Development alang sa Risk Resiliency Program pinaagi sa Cash-for-Work ubos sa Climate Change Adaptation and Mitigation alang sa tuig 2023.
Sugdan ang implementasyon sa maong programa karong bulan sa Marso, diin mokabat sa 13,375 ang mamahimong benepisyaryo nga makadawat og tag-P438.00 kada adlaw nga sweldo, moabot sa P4,380.00 sa 10 ka adlaw nga pagpanarbaho.
Sumala ni Karen G. Gayonan, ang Project Officer III ilawom sa Disaster Response Management Division sa DSWD Region XI, nga ang Cash-for-Work Progam gimugna aron paghatag dugang oportunidad sa mga kabus ug sa mga pamilyang dali lamang maapektohan sa katalagman pinaagi sa paghatag 10 ka adlaw nga trabaho sa komunidad.
“𝘚𝘢 𝘬𝘢𝘳𝘰𝘯, 𝘯𝘢𝘢𝘺 13,375 𝘯𝘨𝘢 𝘣𝘦𝘯𝘦𝘧𝘪𝘤𝘪𝘢𝘳𝘪𝘦𝘴 𝘴𝘪 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦 𝘶𝘯𝘥𝘦𝘳 𝘴𝘢 𝘙𝘪𝘴𝘬 𝘙𝘦𝘴𝘪𝘭𝘪𝘦𝘯𝘤𝘺 𝘗𝘳𝘰𝘨𝘳𝘢𝘮 𝘵𝘩𝘳𝘰𝘶𝘨𝘩 𝘊𝘢𝘴𝘩-𝘧𝘰𝘳-𝘞𝘰𝘳𝘬 𝘰𝘯 𝘊𝘭𝘪𝘮𝘢𝘵𝘦 𝘊𝘩𝘢𝘯𝘨𝘦 𝘈𝘥𝘢𝘱𝘵𝘢𝘵𝘪𝘰𝘯 𝘢𝘯𝘥 𝘔𝘪𝘵𝘪𝘨𝘢𝘵𝘪𝘰𝘯. 𝘕𝘢𝘨𝘢𝘩𝘢𝘵𝘢𝘨 𝘵𝘢 𝘰𝘨 𝘭𝘢𝘣𝘰𝘳 𝘤𝘰𝘴𝘵 𝘴𝘢 𝘮𝘨𝘢 𝘣𝘦𝘯𝘦𝘧𝘪𝘤𝘪𝘢𝘳𝘺 100% 𝘰𝘧 𝘵𝘩𝘦 𝘮𝘪𝘯𝘪𝘮𝘶𝘮 𝘸𝘢𝘨𝘦, 𝘸𝘩𝘪𝘤𝘩 𝘪𝘴 𝘗438. 𝘚𝘰, 𝘴𝘢 𝘵𝘦𝘯 𝘥𝘢𝘺𝘴 𝘯𝘨𝘢 𝘱𝘢𝘨𝘱𝘢𝘯𝘢𝘳𝘣𝘢𝘩𝘰 𝘯𝘪 𝘣𝘦𝘯𝘦𝘧𝘪𝘤𝘪𝘢𝘳𝘺, 𝘯𝘢𝘢 𝘴𝘪𝘺𝘢𝘺 𝘮𝘢𝘥𝘢𝘸𝘢𝘵 𝘯𝘨𝘢 𝘗4,380.00. 𝘚𝘰, 𝘴𝘢 13,375 𝘯𝘨𝘢 𝘣𝘦𝘯𝘦𝘧𝘪𝘤𝘪𝘢𝘳𝘺, 𝘯𝘢𝘢𝘺 𝘗58,582,500.00 𝘯𝘨𝘢 𝘨𝘪𝘨𝘢𝘩𝘪𝘯 𝘢𝘯𝘨 𝘱𝘳𝘰𝘨𝘳𝘢𝘮𝘢 𝘥𝘪𝘯𝘩𝘪 𝘴𝘢 𝘗𝘳𝘰𝘷𝘪𝘯𝘤𝘦 𝘰𝘧 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦. 𝘈𝘯𝘨 𝘵𝘢𝘳𝘨𝘦𝘵 𝘣𝘦𝘯𝘦𝘧𝘪𝘤𝘪𝘢𝘳𝘪𝘦𝘴 𝘯𝘢𝘵𝘰 𝘪𝘴 𝘬𝘢𝘵𝘰𝘯𝘨 𝘮𝘨𝘢 𝘱𝘰𝘰𝘳 𝘩𝘰𝘶𝘴𝘦𝘩𝘰𝘭𝘥𝘴 𝘯𝘢𝘵𝘰 𝘯𝘨𝘢 𝘯𝘢𝘬𝘢-𝘴𝘦𝘵𝘵𝘭𝘦 𝘴𝘢 𝘥𝘪𝘴𝘢𝘴𝘵𝘦𝘳 𝘳𝘪𝘴𝘬 𝘯𝘨𝘢 𝘮𝘨𝘢 𝘢𝘳𝘦𝘢𝘴 𝘶𝘨 𝘬𝘢𝘵𝘰𝘯𝘨 𝘮𝘨𝘢 𝘱𝘰𝘰𝘳 𝘧𝘢𝘮𝘪𝘭𝘪𝘦𝘴 𝘯𝘨𝘢 𝘯𝘢-𝘪𝘥𝘦𝘯𝘵𝘪𝘧𝘺 𝘯𝘢𝘵𝘰 𝘶𝘯𝘥𝘦𝘳 𝘵𝘩𝘦 𝘯𝘢𝘵𝘪𝘰𝘯𝘢𝘭 𝘩𝘰𝘶𝘴𝘦𝘩𝘰𝘭𝘥 𝘢𝘶𝘥𝘪𝘵𝘪𝘯𝘨 𝘴𝘺𝘴𝘵𝘦𝘮 𝘯𝘢𝘵𝘰,” matud ni Gayonan.
Dako ang kalipay ni Kuya Gov ug mapasalamaton kini sa pagbubo og pondo sa DSWD dinhi sa probinsya. Siya nagkanayong dili lamang maghatag og dugang kita sa mga Dabaonon kondili makatabang sab sa pagpreserba sa kinaiyahan ug pagpanalipod sa komunidad.
Sa pagkakaron, padayon ang buhatan sa Provincial Social Welfare and Development Office sa pagbansay sa mga Barangay Extension Workers (BEWs) sa KAAGAPAY ug mga Liaison Officer aron motabang sa implementasyon sa Cash-for-Work Program sa pinakadaling panahon.
Writer/Photo: Nestor H. Mata, Jr.
