Grand slam na karong tuiga si Governor Edwin "Kuya Gob" Jubahib isip Governor of the Year human kini gipasidunggan sa ikatulong higayon sa Sustainability Standards, Inc. didto sa Okada, Manila, Nobyembre 28.

Dili lamang si Kuya Gob, apan apil ang Davao del Norte sa Grand slam awardee sa kategoryang Most Sustainable and Liveable Province.

Inila ang SSI nga usa ka korporasyon nga adunay adbokasiya nga tagaan og pasidungog ang mga indibidwal, grupo o lokal nga panggamhanan nga adunay dakong tampo sa kalamboan sa komunidad.

Sigun ni SSI CEO/President Kenneth Rocete, nakita nila ang sinsiredad ni Kuya Gob sa pagpanerbisyo niini hinungdan sa dakong kalamboan sa Davao del Norte.

Sa iyang acceptance speech, gipadayag ni Kuya Gob nga susi sa kadaugan sa iyang administrasyon ang dakong pagsalig sa Ginoo nga maoy iyang giya sa paghatag serbisyo ngadto sa katawhan.

Kahinumduman nga sa parehong adlaw gidawat ni Kuya Gob ang unang Bronze Award nga nakuha sa Probinsyal nga Panggamhanan sa Davao del Norte isip pasidungog sa pagkamatinud-anon niini sa pagpasiguro sa mga kabtangan nga maoy sumbanan sa pagpili sa mga mananaog sa Government Service Insurance System Seal of Protection Awards. Ang seremonyas gipahitabo sa GSIS Gymnasium, Pasay City.

Writer: Mervin Jay Z. Suaybaguio