Gipangunahan ni Gobernador Edwin "Kuya Gov" Jubahib ang 1st Quarter Provincial Disaster Risk Reduction and Management Council Meeting sa VIP Clubhouse, DNSTC, Mankilam, Tagum City, niadtong Marso 21, 2023.
Gitambongan kini sa mga department head sa kapitolyo sa pagpanguna ni Provincial Administrator Josie Jean Rabanoz, PD-DILG Davao del Norte Jonathan J. Leybag, mga non-government organization, GOCCs, hut-ong sa kasundalohan ug kapulisan, media ug uban pa.
Gipresentar sa chairman sa nagkadaiyang komitiba ang mga accomplishment sa nakalabayng tulo ka bulan sama sa pag-implementar sa flood control project, agri-aquaculture program, animal health care and disease management project, environment and protection project, ug data information and management project. Gipakita sab ang mga aksyon nga gihimo sa mga departamento sa gobyerno isip hinanaling tubag panahon sa kalamidad ug emerhensiya.
Sumala ni Kuya Gov nga gipahigayon ang maong panagtapok aron mahisgutan ang mga nangaging kalamidad nga niigo sa probinsya, sama sa pagbaha ug ang bag-ohay pa lamang miigo nga magnitude 5.9 nga linog nga nakadaut sa pipila ka mga imprastraktura. Gihingusgan sa gobernador ang pagtinabangay ug kooperasyon sa tanan aron mamintinar ang seguridad sa mga katawhang Dabaonon.
“𝘛𝘩𝘦 𝘤𝘰𝘶𝘯𝘤𝘪𝘭 𝘩𝘰𝘭𝘥𝘴 𝘢 𝘷𝘦𝘳𝘺 𝘤𝘳𝘪𝘵𝘪𝘤𝘢𝘭 𝘳𝘰𝘭𝘦 𝘪𝘯 𝘰𝘶𝘳 𝘢𝘣𝘪𝘭𝘪𝘵𝘺 𝘵𝘰 𝘳𝘦𝘴𝘱𝘰𝘯𝘥 𝘢𝘯𝘥 𝘮𝘢𝘯𝘢𝘨𝘦 𝘥𝘪𝘴𝘢𝘴𝘵𝘦𝘳 𝘸𝘪𝘵𝘩 𝘶𝘵𝘮𝘰𝘴𝘵 𝘦𝘧𝘧𝘪𝘤𝘪𝘦𝘯𝘤𝘺. 𝘐’𝘮 𝘷𝘦𝘳𝘺 𝘤𝘰𝘯𝘧𝘪𝘥𝘦𝘯𝘵, 𝘯𝘨𝘢 𝘢𝘵𝘰 𝘯𝘪𝘯𝘨 𝘮𝘢𝘬𝘢𝘺𝘢. 𝘓𝘦𝘵 𝘶𝘴 𝘤𝘰𝘯𝘵𝘪𝘯𝘶𝘦 𝘵𝘰 𝘸𝘰𝘳𝘬 𝘵𝘰𝘨𝘦𝘵𝘩𝘦𝘳 𝘵𝘰 𝘱𝘳𝘰𝘵𝘦𝘤𝘵 𝘰𝘶𝘳 𝘤𝘰𝘮𝘮𝘶𝘯𝘪𝘵𝘺, 𝘵𝘰 𝘦𝘯𝘴𝘶𝘳𝘦 𝘵𝘩𝘦𝘪𝘳 𝘴𝘢𝘧𝘦𝘵𝘺 𝘢𝘯𝘥 𝘸𝘦𝘭𝘭-𝘣𝘦𝘪𝘯𝘨,” sigon sa gobernador.
Atol sa maong panagtigom, gimandoan ni Kuya Gov si Provincial Engineer Engr. Glen Olandria sa pagkoordinar sa City Engineering Office aron pagsuta sa kahimtang sa mga dagkong gambalay dinhi sa siyudad sa Tagum sama sa mga mall, hotel, ug mga eskwelahan sanglit bag-ohay pa lamang niigo ang linog dinhi sa probinsya.
Pagpangandam sab ni sa umalabot nga pagdagsa sa mga katawhan karong bulan sa Abril sanglit ang probinsya ang mamahimong host sa Davao Regional Athletic Association Meet kon DAVRAA.
Writer/Photo: Nestor Mata, Jr.
