Lampurnas ug walay nahagdaw ang pipila ka mga residente ug boarders sa may Barangay Visayan Village, Tagum City sa sunog nga nahitabo niadtong Pebrero 2023. Nibaha og tabang gikan sa lokal ug probinsyal nga panggamhanan ang gitunol ngadto sa mga biktima. Gisaysay sa usa ka Christopher Mascariñas, usa sa mga biktima sa sunog ang ilang mga nasinati nga kalit nga pagkaugdaw sa ilang mga gipuy-an.
"𝘐𝘭𝘢 𝘮𝘪𝘯𝘨 𝘨𝘪𝘥𝘢𝘴𝘪𝘨 𝘶𝘨 𝘪𝘭𝘢 𝘮𝘪𝘯𝘨 𝘨𝘪𝘵𝘢𝘨𝘢𝘢𝘯 𝘶𝘨 ‘𝘢𝘺𝘢𝘸 𝘭𝘢𝘯𝘨 𝘮𝘰 𝘬𝘢𝘣𝘢𝘭𝘢𝘬𝘢 𝘢𝘥𝘶𝘯𝘢𝘺 𝘤𝘰𝘮𝘪𝘯𝘨 𝘯𝘨𝘢 𝘮𝘨𝘢 𝘵𝘢𝘣𝘢𝘯𝘨’. 𝘈𝘵𝘰 𝘭𝘢𝘯𝘨 𝘯𝘪 𝘩𝘪𝘮𝘰𝘢’𝘨 𝘱𝘢𝘮𝘢𝘢𝘨𝘪, 𝘮𝘢𝘰 𝘵𝘰 𝘴𝘺𝘢 𝘯𝘨𝘢 𝘯𝘢𝘬𝘶𝘩𝘢-𝘬𝘶𝘩𝘢𝘢𝘯 𝘢𝘮𝘰𝘯𝘨 𝘬𝘢𝘨𝘶𝘰𝘭 𝘬𝘢𝘺 𝘥𝘪𝘭𝘪 𝘨𝘺𝘶𝘥 𝘭𝘢𝘭𝘪𝘮 𝘯𝘨𝘢 𝘮𝘢𝘴𝘶𝘯𝘰𝘨𝘢𝘯 𝘵𝘢. 𝘔𝘢𝘬𝘢𝘬𝘪𝘵𝘢 𝘵𝘢 𝘴𝘢 𝘶𝘣𝘢𝘯 𝘯𝘢𝘴𝘶𝘯𝘰𝘨𝘢𝘯 𝘮𝘶𝘳𝘢’𝘨 𝘸𝘢𝘭𝘢 𝘭𝘢𝘯𝘨 𝘴𝘢 𝘢𝘵𝘰𝘢. 𝘗𝘦𝘳𝘰 𝘬𝘶𝘯𝘨 𝘬𝘪𝘵𝘢 𝘮𝘢𝘴𝘶𝘯𝘰𝘨𝘢𝘯, 𝘢𝘵𝘰𝘯𝘨 𝘮𝘨𝘢 𝘨𝘢𝘮𝘪𝘵 𝘮𝘢𝘩𝘶𝘳𝘰𝘵. 𝘜𝘴𝘢 𝘬𝘢 𝘱𝘢𝘮𝘪𝘭𝘰𝘬 𝘮𝘢𝘩𝘶𝘳𝘰𝘵 𝘥𝘢𝘺𝘰𝘯," saysay ni Mascariñas.
Gitubag gilayon ang ilang mga basic needs sama sa gamit pangkusina, senina ug pagkaon pinaagi sa Provincial Social Welfare and Development Office isip pasiunang ayuda.
Samtang si Gobernador Edwin “Kuya Gov” Jubahib mitunol kanila’g Emergency Shelter Assistance nga tag-tres mil pesos (P3,000) cash kada usa niadtong Marso 21 sa VIP Clubhouse, DNSTC, Mankilam, Tagum City. Dise-nuwebe (19) ka mga indibidwal ang nakadawat diin pipila kanila mga boarders nga nagtrabaho sa siyudad ug lumolopyo sa kasikbit nga dapit.
"𝘋𝘢𝘬𝘰 𝘬𝘢𝘢𝘺𝘰 𝘮𝘪’𝘨 𝘱𝘢𝘴𝘢𝘭𝘢𝘮𝘢𝘵 𝘭𝘢𝘣𝘪 𝘯𝘢 𝘴𝘢 𝘢𝘮𝘢𝘩𝘢𝘯 𝘴𝘢 𝘱𝘳𝘰𝘣𝘪𝘯𝘴𝘺𝘢 𝘬𝘢𝘯𝘨 𝘎𝘰𝘷𝘦𝘳𝘯𝘰𝘳 𝘌𝘥𝘸𝘪𝘯 𝘑𝘶𝘣𝘢𝘩𝘪𝘣 𝘯𝘨𝘢 𝘢𝘥𝘶𝘯𝘢𝘺 𝘱𝘢𝘨𝘭𝘢𝘯𝘵𝘢𝘸 𝘴𝘢 𝘮𝘨𝘢 𝘬𝘢𝘵𝘢𝘸𝘩𝘢𝘯 𝘯𝘨𝘢 𝘣𝘪𝘴𝘢’𝘨 𝘥𝘪𝘭𝘪 𝘴𝘢𝘬𝘰𝘱 𝘴𝘢 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦 𝘮𝘢𝘬𝘢-𝘢𝘷𝘢𝘪𝘭 𝘶𝘨 𝘴𝘢 𝘗𝘚𝘞𝘋 𝘯𝘨𝘢 𝘯𝘢𝘵𝘢𝘨𝘢𝘢𝘯 𝘱𝘶𝘥 𝘮𝘪. 𝘗𝘪𝘭𝘢 𝘬𝘢 𝘮𝘨𝘢 𝘢𝘥𝘭𝘢𝘸 𝘭𝘢𝘯𝘨 𝘯𝘢-𝘳𝘦𝘭𝘦𝘢𝘴𝘦 𝘢𝘯𝘨 𝘮𝘨𝘢 𝘵𝘢𝘣𝘢𝘯𝘨. 𝘔𝘢𝘰 𝘯𝘢 𝘢𝘮𝘰𝘯𝘨 𝘥𝘢𝘬𝘰𝘯𝘨 𝘱𝘢𝘴𝘢𝘭𝘢𝘮𝘢𝘵 𝘯𝘨𝘢 𝘸𝘢𝘭𝘢 𝘮𝘪 𝘯𝘢𝘨-𝘪𝘯𝘶𝘴𝘢𝘳𝘢, 𝘯𝘢𝘢𝘺 𝘵𝘢𝘣𝘢𝘯𝘨 𝘴𝘢 𝘨𝘰𝘣𝘺𝘦𝘳𝘯𝘰," dugang ni Mascariñas.
Gisaysay ni Kuya Gov nga ang mga nabiktima sa "human disaster" o sunog ug si bisan kinsang mga tax payers kinahanglan gyud nga ibalik kanila ang tabang suporta. Gipasabot niya ang Zero Billing Program ug ang pagtanyag sa publiko nga libre ang mga government facilities, kabahin sa iyang mga programa ubos sa iyang administrasyon isip paglantaw nga ibalik sa katawhan ang kaayohan. Gidasig sab niya ang mga nabiktima nga magmalig-on sa mga pagsulay.
"𝘒𝘶𝘯𝘨 𝘯𝘢𝘢 𝘮𝘰𝘺 𝘱𝘳𝘰𝘣𝘭𝘦𝘮𝘢, 𝘥𝘪𝘭𝘪 𝘮𝘢𝘯 𝘴𝘪𝘨𝘶𝘳𝘰 𝘵𝘢𝘨𝘢𝘢𝘯 𝘵𝘢’𝘨 𝘱𝘳𝘰𝘣𝘭𝘦𝘮𝘢 𝘴𝘢 𝘎𝘪𝘯𝘰𝘰 𝘯𝘨𝘢 𝘥𝘪𝘭𝘪 𝘯𝘢𝘵𝘰 𝘬𝘢𝘺𝘢. 𝘔𝘶𝘳𝘢’𝘨 𝘵𝘦𝘴𝘵𝘪𝘯𝘨 𝘭𝘢𝘯𝘨 𝘴𝘢 𝘪𝘯𝘺𝘰𝘩𝘢𝘯𝘨 𝘭𝘪𝘧𝘦 𝘰𝘳 𝘪𝘴𝘢 𝘭𝘢𝘯𝘨 𝘯𝘢 𝘴𝘪𝘺𝘢 𝘬𝘢 ‘𝘸𝘢𝘺’ 𝘯𝘨𝘢 𝘺𝘰𝘶 𝘣𝘦𝘤𝘰𝘮𝘦 𝘴𝘵𝘳𝘰𝘯𝘨 𝘢𝘯𝘥 𝘺𝘰𝘶 𝘣𝘦𝘤𝘰𝘮𝘦 𝘮𝘰𝘳𝘦 𝘥𝘦𝘱𝘦𝘯𝘥𝘦𝘯𝘵 𝘴𝘢 𝘪𝘮𝘰𝘯𝘨 𝘴𝘢𝘳𝘪𝘭𝘪 𝘶𝘨 𝘮𝘢𝘬𝘢𝘬𝘢𝘵-𝘰𝘯 𝘬𝘢’𝘨 𝘴𝘵𝘳𝘰𝘯𝘨 𝘥𝘦𝘵𝘦𝘳𝘮𝘪𝘯𝘢𝘵𝘪𝘰𝘯," padasig sa gobernador.
Writer/Photo: Lorna P. Tripoli
